საქართველო სექტემბრიდან სავიზო რეჟიმს ამკაცრებს. უცხოელებს ქვეყანაში შემოსასვლელად დამატებითი დოკუმენტაცია და პროცედურები დასჭირდებათ. ზოგიერთ ქვეყანასთან კი სავიზო რეჟიმის დაწესებაა დაგეგმილი, - ამის შესახებ საქართველოს საგარეო საქმეთა მინისტრმა მაია ფანჯიკიძემ განაცხადა.
„საერთოდ არ არსებობდა მიგრაციის პოლიტიკა საქართველოში და ჩვენ დავიწყეთ ამის მოწესრიგება. ასოცირების ხელშეკრულება ითვალისიწინებს ძალიან ბევრ რამეს, მაგრამ ამავე დროს ეს არის ისეთი თემები, რომ საქართველოს ისედაც უნდა მოეწესრიგებინა. ზოგი რამ შეიძლება გამკაცრებულიყო, ზოგი რამ შეიძლება შეცვლილიყო, ზოგიც გაიოლებულიყო",- განაცხადა მაია ფანჯიკიძემ.
ხელისუფლებას რეგულაციების მიღებას, ერთი მხრივ, ევროკავშირი ავალდებულებს, მეორე მხრივ კი - სტატისტიკური მონაცემები.
მასალის გამოყენების პირობები
