მსოფლიო ბანკის მონაცემებით, 2013 წელს მშპ-ს ერთ სულ მოსახლეზე პარიტეტული მსყიდველობითუნარიანობის მიხედვით, საქართველოში შემოსავალმა 7 ათასი დოლარი შეადგინა. აღნიშნული მაჩვენებლის მიხედვით, საქართველოს მსოფლიო რეიტინგში 139-ე ადგილზეა და მას საგრძნობლად უსწრებენ ისეთი ქვეყნები, როგორიცაა სომხეთი (132ე ადგილი, 8,1 ათასი დოლარი), უკრაინა (127-ე ადგილი, 8,9 ათასი დოლარი), თურქმენეთი (105-ე ადგილი, 12,9 ათასი დოლარი), ბელორუსი რეიტინგში 89-ე ადგილზე (19,9 ათასი დოლარი), ხოლო აზერბაიჯანი 90-ე ადგილზე (16,2 ათასი დოლარი). რუსეთში ერთ სულ მოსახლეზე შემოსავალმა 23,2 ათასი დოლარი შეადგინა, რითაც ქვეყანა მსოფლიო რეიტინგში 65-ე ადგილზეა. თურქეთი რეიტინგში 82-ე ადგილზეა.
ყველაზე უზრუნველყოფილი ყატარის მოსახლეობა აღმოჩნდა, სადაც შემოსავალი ერთ სულ მოსახლეზე 123,9 ათასი დოლარია. მაკაოში (ჩინეთი) 112,2 ათასი დოლარი, ქუვეითში - 88,2 ათასი დოლარი, სიგნაპურში - 76,9 ათასი დოლარი, ბერმუდში - 66,4 ათასი დოლარი.
რეიტინგში ევროპის ქვეყნებიდან ლიდერობს ნორვეგია, სადაც ერთ სულ მოსახლეზე შემოსავალი 66,5 ათასი დოლარია, ლუქსემბურგში - 59,8 ათასი, ხოლო შვეიცარიაში - 53,9 ათასი დოლარი.
აშშ-ში შემოსავალი ერთ სულ მოსახლეზე 53,9 ათასი დოლარია, საუდის არაბეთში- 53,8 ათასი დოლარი, ომანში - 52,2 ათასი დოლარი,