ბათუმის საერთაშორისო აეროპორტს მგზავრთნაკადი შეუმცირდა. 2014 წლის იანვარ-ივნისში ბათუმის საერთაშორისო აეროპორტმა 74 ათას 851 მგზავრი გაატარა, რაც გასული წლის ანალოგიურ მაჩვენებელთან შედარებით 2,76%-ით ნაკლებია. სტატისტიკური ინფორმაციის მიხედვით, ბათუმის საერთაშორისო აეროპორტმა 2013 წლის 6 თვეში 76 ათას 972 მგზავრი გაატარა. 2012 წლის იანვარ-ივნისში ბათუმის საერთაშორისო აეროპორტის მიერ გატარებულია 59 ათას 587 მგზავრი. 2012 წლის 6 თვესთან შედარებით 2014 წლის 6 თვეში, ბათუმის აეროპორტის მიერ გადაყვანილი მგზავრთნაკადი 25,62%-ითაა გაზრდილი.
მასალის გამოყენების პირობები
