,,ბატონო ედუარდის როლი მე-20 საუკუნის ისტორიაში იქნება მომავალშიც ღრმად გააზრებული", _განაცხადა პრეზიდენტმა გიორგი მარგველაშვილმა სამების საკათედრო ტაძარში ყოფილი პრეზიდენტის ედუარდ შევარდნაძის სამგლოვიარო ცერემონიალზე სიტყვით გამოსვლისას.
მისივე განცხადებით, ედუარდ შევარდნაძე მსოფლიო დონის პოლიტიკოსი იყო.
,,მინდა ხაზგასმით ვთქვა, როცა ჩვენ მას ვემშვიდობებით მახსენდება ის რომ მის სახელთან არის დაკავშირებული საქართველოში სიკვდილის დასჯის გაუქმება. ჩემი აზრით, იმ მომენტში როცა ადამიანი მარტო რჩება თავის სულთან ასეთი გადადგმული ნაბიჯები მნიშვნელოვნად განაპირობებს სიყვარულსაც და პატივისცემასაც ისეთი დიდი პოლიტიკური ფიგურების მიმართ როგორიც იყო ბატონი ედუარდი", _განაცხადა მარგველაშვილმა.
სამების საკათედრო ტაძარში ყოფილი პრეზიდენტის ედუარდ შევარდნაძის სამგლოვიარო ცერემონიალის ოფიციალური ნაწილი მიმდინარეობს, რომელსაც მოქმედი და ყოფილი ხელისუფლების წარმომადგენლები ესწრებიან. ტაძარში იმყოფებიან საზოგადოებისთვის ცნობილი სახეებიც, მათ შორის, რუსეთში მოღვაწე ქართველი მომღერალი დიანა ღურწკაია.
ექსპრეზიდენტს სამების ტაძრიდან 15:00 საათზე გამოასვენებენ. სამგლოვიარო პროცესია დაიძვრება კრწანისის რეზიდენციისკენ. დაკრძალვის ცერემონიალი გაიმართება 16:00 საათზე.
