"ვითიბი ბანკ ჯორჯიასა" და ევროპის რეკონსტრუქციისა და განვითერბის ბანკებს შორის 2014 წლის 27 ივნისს ხელი მოეწერა შეთანხმებას, რომლის თანახმადაც EBRD -ი და ვითიბი ბანკი ჯორჯია ერთობლივად მოახდენენ კორპორატიული კლიენტების, ასევე მცირე და საშუალო ზომის ბიზნესის დაფინანსებას საქართველოში. ევროპის რეკონსტრუქციისა და განვითარების ბანკის წილი ვითიბი ბანკთან ერთად მცირე და საშუალო ზომის ბიზნესის დაფინასების სფეროში 20 000 000 აშშ დოლარი იქნება.
აღნიშნული თანხიდან, 5 000 000 აშშ დოლარის ფარგლებში ვითიბი ბანკი საკუთარი რესურსით მოახდენს საშუალო ბიზნესის დაფინასებას, რაც EBRD_ის მიერ იქნება გარანტირებული. აღსანიშნავია, რომ ვითიბი ბანკი ჯორჯია პირველი კომერციული ბანკია საქართველოში, რომელთანაც EBRD_ი მსგავსი ტიპის პროექტს ანხორციელებს.
ზემოთ აღნიშნული რესურსები გამოყენებულ იქნება საწარმოების განსავითარებლად. ასევე საინვესტიციო და საექსპორტო წარმოების დასაფინანსებლად.
ამასთან ერთად 27 ივნისს, ხელი მოეწერა ხელშეკრულებას, რომლის თანახმადაც EBRD 3 000 000 აშშ დოლარს გამოუყოფს ვითიბი ბანკს ევროკავშირისა და ევროპის რეკონსტრუქციისა და განვითარების ბანკის ენრგოეფექტური პროგრამის ფარგლებში, რომელიც ბანკის მიერ საქართველოში ენერგეტიკის სფეროს განვითარებისთვის და ენერგოეფექტური პროექტების დასაფინანსებლად იქნება გამოყენებული.
ვითიბი ბანკის ფინანსურმა დირექტორმა მამუკა მენთეშაშვილმა განაცახდა:
ვითიბი ბანკსა და ევროპის რეკონსტრუქციისა და განვითერების ბანკს შორის გაფორმებული ხელშეკრულებები ძალიან მნიშვნელოვანია კორპორატიული, მცირე და საშუალო ზომის ბიზნესის შემდგომი განვითარებისთვის. მიღწეული შეთანხმების შედეგად ჩვენი ბანკების მიერ ერთობლივად გაცემული სესხები მიმართული იქნება ახალი საწარმოების შესაქმნელად და არსებული საწარმოების გასაფართოებლად. ასევე ეს შეთანხმება მოიცავს საქართველოსთვის ერთ-ერთი უმნიშვნელოვანესი, ენერგეტიკის, სექტორში თანხების დაბანდებას და ენერგოეფექტური პროექტების განხორციელებას.