თბილისის საქალაქო სასამართლოსთან მომხდარი ინციდენტისას დაკავებულებს - კოტე გაბაშვილს, დავით გოგოხიას ალექსანდრე ბედოიძეს, ლაშა რუხაიას, ხვიჩა სუხიშვილის, ირაკლი ჩხვირკიას და ლაშა ჭიღლაძეს ადმინისტრაციული ჯარიმის სახით 100-100 ლარის გადახდა დაეკისრათ.
ხოლო 173-ე მუხლით წარდგენილ ბრალდებაზე, რომელიც პოლიციისთვის წინააღმდგეობის გაწევას გულისხმობს, სასამართლომ ადმინისტრაციული დევნა შეწყვიტა.
რაც შეეხებათ, ლევან ბეჟაშვილისა და გოჩა დარჯანიას სასამართლო გადაწყვეტილებას 7 ივლისს გამოაცხადებს
ლევან ბეჟაშვილის განცხადებით, მოსამართლის ეს გადაწყვეტილება გაუგებარია.
"ცხადი იყო, რომ პატრულმა პროცესზე ვერანაირი მტკიცებულება ვერ მოსამართლეს უარი უნდა ეთქვა ადმინისტრაციული საჩივრის დაკმაყოფილებაზე და ჯარიმის დაკისრებაზე, მაგრამ მოსამართლემ ჩემთვის გაურკვეველი მიზეზების გამო 7 ივლისისთვის გადადო გადაწყვეტილების გამოტანა, რაც რბილად რომ ვთქვათ, გაუგებარია", - განაცხადა ლევან ბეჟაშვილმა.
გუშინ საქალაქო სასამართლოში დაპირისპირება გიგი უგულავასთვის აღმკვეთ ღონისძიებად პატიმრობის შეფარდებას მოჰყვა. თბილისის საქალაქო სასამართლოსთან გუშინდელი დაპირისპირების დროს რვა ადამიანი იყო დაკავებული.
