პატიმართა შეწყალების სახელმწიფო კომისიის ახალი ხელმძღვანელის ვინაობა დღეს გახდება ცნობილი. შეწყალების კომისიის თავმჯდომარეს, პრეზიდენტის ადმინისტრაციაში, თავად პრეზიდენტი, გიორგი მარგველაშვილი წარადგენს.
უცნობია, თუ ვის დაასახელებს პრეზიდენტი ალეკო ელისაშვილის შემცვლელად, თუმცა, გავრცელებული ინფორნაციით, კომისიის ახალი ხელმძღვანელი თავად შეწყალების კომისიიდან იქნა შერჩეული.
შეწყალების კომისიაში შედიან: უფლებადამცველი ლია მუხაშავრია, იურისტი თამარ ხიდაშელი, "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაური, მწერალი ბასა ჯანიკაშვილი, ჟურნალისტი ზვიად ქორიძე, ფსიქოლოგი თეა გოგოტიშვილი, მწერალი კონსტანტინე ჯანდიერი, სახალხო დამცველი უჩა ნანუაშვილი, მწერალი გივი შაჰნაზარი, მიტროპოლიტი თეოდორე ჭუაძე.
შეგახსენებთ, რომ ალექსანდრე ელისაშვილი საკრებულოს წევრი გახდა.
