ევროსაბჭოს საპარლამენტო ასამბლეაში საქართველოს საპარლამენტო დელეგაციის ვიზიტი გრძელდება. ქართულმა დელეგაციამ დღეს ევროსაბჭოს მონიტორინგის კომიტეტის სხდომაში მიიღო მონაწილეობა, რომელზეც თვითმმართველობის არჩევნების, წინასაარჩევნო გარემოსა და გამოვლენილი დარღვევების შესახებ იმსჯელეს.
ევროსაბჭოს მონიტორინგის კომიტეტის დასკვნა უკვე მზადაა და მასში როგორც წინასაარჩევნო, ასევე უშუალოდ ხმის მიცემის პროცესიცაა შეჯამებული, თუმცა დოკუმენტს ევროსაბჭო საქართველოში ადგილობრივი თვითმმართველობის არჩევნების მეორე ტურის გამართვის შემდეგ, საშემოდგომო სესიაზე დაუბრუნდება.
საქართველოს საპარლამენტო დელეგაციას თედო ჯაფარიძე ხელძღვანელობს. დელეგაციის შემადგენლობაში ეკა ბესელია, თინა ხიდაშელი, გუგული მაღრაძე, ირაკლი ჩიქოვანი, ლევან ბერძენიშვილი, დავით ბაქრაძე და ჩიორა თაქთაქიშვილი შედიან.
