უკრაინის პრეზიდენტის პეტრო პოროშენკოს მიერ ბოევიკებისათვის მიცემული ვადა იარაღის დაყრის შესახებ დღეს იწურება. პოროშენკომ ცეცხლის შეწყვეტა მის მიერ წარმოდგენილი სამშვიდობო გეგმის ფარგლებში 20 ივნისს გამოაცხადა და ბოევიკებს იარაღის დაყრისათვის ერთი კვირა მისცა.
ამასთან ერთად, გუშინ პოროშენკომ განაცხადა ისიც, რომ თუ ბოევიკების იარაღს არ დაყრიან ის „ძალიან მნიშვნელოვან გადაწყვეტილებას" მიიღებს, თუმცა არ დაუკონკრეტტებია თუ რას გულისხმობდა.
უკრაინული მედიის ინფორმაციით, ცეცხლის შეწყვეტის გამოცხადებიდან ერთი კვირის განმავლობაში ბოევიკებმა ბევრჯერ დაარღვიეს დაზავების პირობა. მათ უკრაინული ვერტმფრენი „მი-8" ჩამოაგდეს. შედეგად დაიღუპა 9 უკრაინელი სამხედრო.
