გიგი უგულავამ მისთვის მერის უფლებამოსილების აღდგენის შესახებ შუამდგომლობა სასამართლოდან გამოიტანა. ამის შესახებ, ,,ნაცმოძრაობის" ოფისში გამართულ პრესკონფერენციაზე უგულავამ განცხადა და აღნიშნა, რომ მისმა შუამდგომლობამ უკვე შედეგი გამოიღო, რადგან მოხდა სასამართლო ხელისუფლების ლუსტრაცია.
,,სიტუაცია დამეთანხმებით სრულიად კომიკურია და სასაცილო მდგომარეობაში აყენებს საქართველოს მთავრობასა და პროკურატურას. სასამართლო მთავრობის გააფთრებულ ზეწოლას განიცდის რომ მოსამართლემ არ გამოიტანოს ერთადერთი შესაძლო გადაწყვეტილება და საკონსტიტუციო სასამართლოზე დაყრდნობით აღადგინოს ჩემი როგორც პირდაპირი წესით არჩეული მერის უფელებამოსილება. ხელისუფლება პანიკაში და ისიც ვერ გაუცნობიერებია ჩემთვის და ჩემი პოლიტიკური გუნდისთვის და ასევე ქვეყნისთვის იმას კი არ აქვს მნიშვნელობა მე გიგი უგულავა ერთი კვირით შევალ თუ არა ოფისში, არამედ მნიშვნელოვანია მომავალში ყველა არჩეული პირი გათავისუფლდეს მთავრობის აღვირახსნილი მცდელობისგან პროკურატურის საშუალებით გზიდან ჩამოიშოროს არასასურველი ოპონენტი", _განაცხადა უგულავამ.
შეგახსენებთ, რომ დღეს საქალაქო სასამართლომ გიგი უგულავასთვის თბილისის მერის თანამდებობაზე აღდგენის შესახებ გადაწყვეტილების გამოცხადება ხვალისთვის გადადო. როგორც ,,ჯი-ეიჩ-ენთან" საუბარში დაცვის მხარის ადვოკატმა გიზო უგლავამ განაცხადა მას დაუკავშირდა მოსამართლის თანაშემწე და უთხრა, რომ გიგი უგულავას საქმეზე გადაწყვეტილების გამოცხადება ხვალ 14:00 საათისთვის გადაიდო.
,,სასამართლოს დღეს უნდა გამოცხადებინა გადაწყვეტილება გიგი უგულავასთვის მერის უფლებამოსილების აღდგენის საკითხზე. თუმცა სასამართლოდან დამირეკა მოსამათთლის თანაშემწემ და მითხრა, რომ მოსამართლე სათათბირო ვადას ახანგრძლივებს და გადაწყვეტილებას ხვალ 14:00 საათზე გამოცხადებს", _განაცხადა ,,ჯი-ეიჩ-ენთან" საუბარში უგლავამ, რომელიც პროცესის გადადებას კიდევ არ გამორიცხავს.
საქალაქო სასამართლოს გიგი უგულავასათვის მერის უფლებამოსილების აღდგენის საკითხზე დღეს, 17:00 საათზე უნდა ემსჯელა.
დაცვის მხარე 2013 წლის 22 დეკემბრის განჩინების გაუქმებას ითხოვდა, რომლის თანახმად, გიგი უგულავას მერის უფლებამოსილება შეუჩერდა.
