საქართველოს ტექნიკური უნივერსიტეტის ღვაწლმოსილი პროფესორები დაჯილდოვდნენ. სტუ-ის აკადემიური საბჭოს გადაწყვეტილებით, ხანგრძლივი და ნაყოფიერი პედაგოგიური მოღვაწეობისათვის სტუდენტ-ახალგაზრდების აღზრდაში გაწეული დიდი ღვაწლისათვის საქართველოს ტექნიკური უნივერსიტეტის პროფესორები ჯუმბერ უფლისაშვილი, ჯუმბერ იოსებიძე და გიორგი მალაშხია საპატიო დიპლომებით დაჯილდოვდნენ.
ჯუმბერ უფლისაშვილი - სატრანსპორტო და მანქანათმშენებლობის ფაკულტეტის პოლიგრაფიისა და მსუბუქი მრეწველობის ტექნოლოგიების დეპარტამენტის ხელმძღვანელი (პოლიგრაფიის და ბეჭვდითი კომპიუტერული გრაფიკის მიმართულება N 85).
ჯუმბერ იოსებიძე - სატრანსპორტო და მანქანათმშენებლობის ფაკულტეტის სატრანსპორტო დეპარტამენტის საავტომობილო ტრანსპორტის მიმართულების (N 46) სრული პროფესორი.
გიორგი მალაშხია - ეკონომიკურ მეცნიერებათა დოქტორი, სტუ-ის ბიზნეს-ინჟინერინგის ფაკულტეტის საინჟინრო ეკონომიკის დეპარტამენტის (#703) სრული პროფესორი.
