საქართველოს ევროკავშირთან ასოცირების ხელშეკრულების რატიფიცირებას, პირველი ლატვიის პარლამენტი მოახდენს, - ამის შესახებ ჟურნალისტებს ევროპულ და ევროატლანტიკურ სტრუქტურებში ინტეგრაციის სახელმწიფო მინისტრმა, ალექსი პეტრიაშვილმა განუცხადა.
"ლატვიის მინისტრთან საუბრის დროს ძალიან სასიხარულო ცნობა მივიღეთ, რომ 3 ივლისს, ლატვიის პარლამენტი უკვე მოახდენს ასოცირების შეთანხმების რატიფიცირებას. ეს იქნება პირველი ჩვენი მეგობარი სახელმწიფო, რომელიც ასოცირების შეთანხმების რატიფიცირებას მოახდენს, ხელისუფლება მზად არის ყველა მასზე ნაკისრი ვალდებულება განახორციელოს და რეფორმები ჩაატაროს ისე, რომ საქართველო უფრო მიზიდველი გახდეს უცხოური ინვესტიციებისთვის", -განაცხადა პეტრიაშვილმა.
პროცედურის გათვალისწინებით, ევროკავშირთან საქართველოს ასოცირების ხელშეკრულების რატიფიცირება ევროკავშირის 28 სახელმწიფომ უნდა მოახდინოს.