საგარეო საქმეთა მინისტრი მაია ფანჯიკიძე ნატოს გენერალური მდივნის ანდერს ფოგ რასმუსენის განცხადებას ეხმიანება და აცხადებს, რომ ალიანსის გადაწყვეტილება საქართველოს შესთავაზოს არსებითი პაკეტი შეიცავს ელემენტებს, რომელიც განხილვის პროცესია, თუმცა ის უფრო დაახლოვებს საქართველოს ნატოსთან.
,, ძირითადი არსებითი პაკეტი შეიცავს ელემენტებს, რომელიც ჯერ კიდევ განხილვის პროცესშია. ალბათ ძალიან მალე იქნება გადაწყვეტილება მიღებული თუ რა კონკრეტული ქმედითი ინსტრუმენტები იქნება შემუშავებული ამ პაკეტის შიგნით. Eეს ემსახურება იმას, რომ საქართველო ნატო-ს კიდევ უფრო დააკავშიროს და კიდევ უფრო დაახლოვოს თავის მიზანთან_გახდეს ნატოს წევრი", _განაცხადა ფანჯიკიძემ.
ნატო საქართველოსთვის ინდივიდუალურ, არსებით პაკეტს შეიმუშავებს. Aამის შესახებ ნატოს გენერალურმა მდივნმა ანდერს ფოგ რასმუსენმა ნატოს მინისტერიალის დაწყებამდე განაცხადა და აღნიშნა, რომ კონკრეტულად რას ითვალისწინებს ინდივიდუალური პაკეტი უახლოეს პერიოდში დაზუსტდება.
,,ჩვენ გვაქვს პრინციპული შეთანხმება, რომ შევიმუშავოთ არსებითი პაკეტი საქართველოსთვის. Eეს ქვეყანას დაეხმარება ნატოს კიდევ უფრო დაუახლოვდეს. დეტალებს, მომდენო რამდენიმე კვირაში დავამუშავებთ", _განაცხადა რასმუსენმა.
მისივე განცხადებით, ნატოს კარი კვლავ ღია რჩება და მესამე ქვეყანა ალიანსის გაფართოვებაზე ვეტოს ვერ გამოიყენებს.
