,,ნაცმოძრაობა" ცესკო-ს მოუწოდებს, 19 ივნისს მიღებულ დადგენილებაში ცვლილებები განახორციელოს, რადგან არსებობს მაღალი რისკი არჩევნების შედეგების გაყალბებისა და მანიპულირების.
,,ცესკო-მ, 19 ივნისს დადგენილება მიიღო, რომლის თანახმად, მეორე ტურში გასამართ საოლქო საარჩევნო კომისიებს ამომრჩეველთა სიის ფორმირება დაევალათ, ისე როგორც ეს საარჩევნო კოდექსითაა გათვალისწინებული. ჩვენ ვფიქრობთ, რომ დადგენილება გარკვეულ რისკებს შეიცავს, რომელმაც შეიძლება არჩევნებში გაყალბების ახალი მეთოდები დანერგოს. კერძოდ, ვგულისხმობთ იმას, რომ აღნიშნული სიის ფორმირებისას ვაკვირდებით პროცესს იგივე ხონში თერჯოლაში, ბათუმში რომ სხვადასხვა ოლქებიდან ხდება იმ ოლქებში სადაც მეორე ტური უნდა გაიმართოს ხელოვნურად ამომრჩეველთა მიგრაცია. ამიტომ მოვუწოდებთ ცესკო-ს ცვლილებები შეიტანოს თავის მიღებულ დადგენილებაში. Bბუნებრივია იმ ადამიანებს, რომლებიც მეორე ტურისთვის 18 წლის გახდება უნდა მიეცეს არჩევნებში მონაწილეობის შესაძლებლობა, ასევე იმ ადამიანებს ვინც პირველ ტურში მონაწილეობა ვერ მიიღეს სიის გაუმართავობის გამო და იცით რომ ასეთი შემთხვევები ძალიან ბევრი იყო. თუმცა ვფიქრობთ, რომ ის ადამიანები ვინც პირველ ტურში სხვა საარჩევნო ოლქში იღებდნენ მონაწილეობას საშუალება არ უნდა მიეცეთ უკვე მეორე ტურში გასამართ სხვა ოლქებში მონაწილეობის მიღების, რადგან ამით მაღალი რისკი ჩნდება არჩევნების შედეგების გაყალბების და მანიპულირების", _განაცხადა ,,ნაცმოძრაობის" წევრმა ლევან ბეჟაშვილმა.
