„ყველაზე მნიშვნელოვანი არის ის, რომ დღეიდან საქართველო ხდება „SPAR International"-ის, რომელიც არის მსოფლიოში ყველაზე ცნობილი სუპერმარკეტების ბრენდი, ოჯახის წევრი. საქართველო იმ ქვეყნებს შორის იქნება, როგორიცაა დიდი ბრიტანეთი, შვეიცარია, ბელგია, იაპონია და სხვა. ეს კი ნიშნავს იმას, რომ ჩვენს ქსელში არსებული ყველა მაღაზია დაიწყებს რებრენდინგს, თუმცა ეს არ ნიშნავს მხოლოდ რებრენდინგს, ეს იქნება სტანდარტების დანერგვა როგორც სერვის კუთხით ასევე მომსახურების და ხელმისაწვდომი ფასების მიმართულებით. საწყის ეტაპზე საქართველოში „SPAR"-ის სახელის ქვეშ 51 მაღაზია გამოჩნდება",- განაცხადა სს „ფუდმარტის" საოპერაციო დირექტორმა ნათია ჩოლოყაშვილმა.
სს „ფუდმარტის" სამეთვალყურეო საბჭოს თავმჯდომარე გიორგი ჩუბინიშვილი კი აცხადებს, რომ 2018 წლისთვის ქვეყნის მასშტაბით „SPAR"-ის 80-მდე სუპერმარკეტი ინფუნქციონირებს. ჩუბინიშვილის განმარტებით, უახლოეს პერიოდში კომპანია რებრენდინგსა და გაფართოებაში 7 მლნ დოლარის ინვესტიციის ჩადებას აპირებს, ხოლო მას შემდეგ რაც ბაზრის კვლება დასრულდება და დადგინდება სად და რა მიმართულებით უნდა გაფართოვდეს ქსელი, ინვესტიციის მოცულობაც გაიზრდება.
„ფუდმარტსა" და „SPAR International"-ს შორის ხელშეკრულებას, „SPAR International"-ის მხრიდან ხელი კომპანიის საერთაშორისო ბიზნესგანვითარების დირექტორმა დევიდ მურმა მოაწერა, რომელმაც აღნიშნა, რომ საქართველო კაპიტალდაბანდებების გასაკეთებლად საუკეთესო ადგილია.
აღსანიშნავია, რომ „SPAR International"-ის წარმომადგენლები საქართველოს ორდღიანი სამუშაო ვიზიტით სტუმრობენ, რომლებიც „ფუდმარტისა" და „იოლის" სუპერმარკეტების მუშაობას ადგილზე გაეცნობიან.
აღსანიშნავია, რომ შPAღ მაღაზიების ჰოლანდიური ქსელია, რომელიც მსოფლიოს 35 ქვეყანაში, 12 ათასზე მეტი ობიექტით არის წარმოდგენილი.