შს მინისტრის ალექსანდრე ჭიკაიძის განმარტებით, მისთვის ერთ-ერთი პრიორიტეტი იყო სასაზღვრო პოლიციისა და სანაპირო დაცვის გაძლიერება. ამის შესახებ, ჭიკაიძემ საზღვაო ოპერაციების მართვის ცენტრის შენობის გახსნაზე განაცხადა.
,,ერთ-ერთი პრიორიტეტი ჩემთვის იყო სასაზღვრო პოლიცია, სანაპირო დაცვა. მის განვითარებას ძალიან ვუწყობთ ხელს. რა თქმა უნდა, რესურსი სჭირდება. რესურსი ჩვენი სახსრებიდან ფინანსდება ნაწილი, ამ შემთხვევაში სანაპირო დაცვისთვის ამერიკული მხარე ძალიან დაგვეხმარა. მათი თანადგომით, მათი დაფინანსებით მოხდა ამ ინფრასტრუქტურის განვითარება , აშენება, რაც შეუწყობს ხელს ჩვენი სანაპირო ხაზის დაცვას და ეფექტურ მუშაობას. ასევე , ეს შენობა განკუთვნილი იქნება კრიზისული სიტუაციების დროს მუშაობისთვის. აქ შეიკრიბება რამდენიმე უწყების წარმომადგენელი და უფრო მარტივად გადაწყდება სხვადასხვა საკითხები, რაც ხელს შეუწყობს მრავალი პრობლემის მოგვარებას, რაც შეეხება სასაზღვრო ნაპირს", _განაცხადა ჭაიკაიძემ.
