,,ნაცმოძრაობის" რუსთავის მერობის კანდიდატი კონკურენტს კოალიცია ,,ქართული ოცნების" მერობის კანდიდატს დავით ჯიქიას დებატებში იწვევს. ამის შესახებ, მამუკა ჩიქოვანმა პარტიის ოფისში გამართულ პრესკონფერენციაზე განაცხადა.
"რუსთავს და რუსთაველებს ძალიან ბევრი პრობლემა აწუხებთ. შესაბამისად, მინდა, ამ პრობლემებზე სასაუბროდ თემატურ დებატებში გამოვიწვიო ჩემი კონკურენტი ყველა ნაციონალურ არხზე. მინდა, ვისაუბროთ რუსთავზე, რუსთაველების პრობლემებზე, რუსთავის განვითარებასა და რუსთავის მომავალზე", - განაცხადა მამუკა ჩიქოვანმა.
შეგახსენებთ, რორ 2014 წლის ადგილობრივი თვითმართველობის არჩევნების შედეგად რუსთავში მეორე ტური ,,ნაცმოძრაობის" მერობისა და კოალიცია ,,ქართული ოცნების" კანდიდატს შორის უნდა გაიმრთოს.
