საქართველოს საგარეო საქმეთა მინისტრმა, მაია ფანჯიკიძემ, შვეიცარიაში გამართულ სემინარში მიიღო მონაწილეობა.
სემინარის - "სამხრეთ კავკასიის სამშვიდობო პოლიტიკის მომავალი: გერმანიის Ostpolitik-ის გაკვეთილები" ორგანიზატორია შვეიცარიის მთავრობა, რომელიც მიმდინარე წელს ეუთო-ს თავმჯდომარე ქვეყანაა.
სემინარს მაია ფანჯიკიძესთან ერთად საქართველოს საკანონმდებლო და აღმასრულებელი ხელისუფლების წარმომადგენლები ესწრებიან. საქართველოს დელეგაციას საგარეო საქმეთა მინისტრი მაია ფანჯიკიძე ხელმძღვანელობს. საგარეო უწყების ინფორმაციით, მინისტრმა ღონისძიების მონაწილეებს სიტყვით მიმართა.
სემინარში გერმანიის ყოფილი ფედერალური მინისტრის ეგონ ბარი მონაწილეობს. სემინარი გახსნა შვეიცარიის საგარეო საქმეთა ფედერალური დეპარტამენტის პოლიტიკურმა დირექტორმა არტურ მატლიმ. ღონისძიების დასასრულ საქართველოს საგარეო საქმეთა მინისტრისა და საქართველოს დელეგაციის პატივსაცემად მიღებას გამართავს შვეიცარიის ქალაქ შტეინ ამ რეინის მერი კლაუდია პია ეიმერი.
მასალის გამოყენების პირობები
