ტურისტული კომპანია Bona Travel -ი, 4 ივლისს ლიტვაში პარაშუტით ხტომის ტურის პრეზენტაციას გამართავს.
Bona Travel- ი, ივლისიდან პირველად საქართველოდან, პარაშუტიდან ხტომის ტურებს იწყებს. ღონისძიებაზე აღნიშნული ტურის დეტალური განხილვა და კომპანიის მიერ სხვადასხვა საინტერესო და მრავალფეროვანი შეთავაზებების პრეზენტაცია გაიმართება. გახსნაზე სიტყვით გამოვა Bona travel-ის გენერალური დირექტორი ლაშა ამაღლობელი, რომელიც დამსწრეებს გააცნობს კომპანიის ჩამოყალიბებისა და შემდეგი საქმიანობის დეტალებს. აღნიშნული ტური საქართველოდან პირველად ტარდება და კომპანია იმედოვნებს რომ საზოგადოებაში დიდ მოლოდინსა და დაინტერესებას გამოიწვევს.
ტურისტული კომპანია შპს „ბონა თრაველი" დაარსდა 2010 წელს. დასაწყისში კომპანია ორიენტირებული იყო მხოლოდ ავიაბილეთების რეალიზაციის კუთხით მუშაობაზე, შემდეგ, 2014 წლიდან დაამატა ტურების სერვისი. დღეისთვის „ბონა თრაველს" აქვს პარაშუტით ხტომის ექსკლუზიური ტური ლიტვაში - BONA JUMP-ი, საგზურები ეგვიპტისა და თურქეთის მიმართულებით, შიდა ტურები და ავიაბილეთები.
Bona jump- თვითმფრინავიდან პარაშუტით ხტომა დაუვიწყარი შეგრძნება, თავისუფალი ვარდნა, რომელიც 4000 მეტრიდან დაახლოებით 50 წამი გრძელდება და სიჩქარე, რომელიც 300 კმ/სთ-ს აღწევს. ტური იწყება თბილისიდან ქუთაისამდე მგზავრობით; ქუთაისიდან მოხდება გაფრენა ლიტვის დედაქალაქ ვილნიუსში. იქ ტურის მონაწილეებს დახვდებათ bona travel-ის წარმომადგენლები. ხტომა ხორციელდება ქალაქ პაცუნაის ავიადრომის ტერიტორიაზე.
