კულტურული მემკვიდრეობის დაცვის და საგამოფენო პროგრამების ფარგლებში თბილისის კულტურული ღონისძიებების ცენტრის მხარდაჭერით ხელოვნების საერთაშორისო ცენტრი, ანხორციელებს პროექტს "ისტორიული თეატრალური კოსტიუმები".
პროექტი ითვალისწინებს ქართული თეატრის საგანძურის - XX საუკუნის პირველი ნახევრის უნიკალური მემკვიდრეობის - კოტე მარჯანიშვილის სახელობის სახელმწიფო დრამატული თეატრის და შოთა რუსთაველის სახელობის სახელმწიფო აკადემიური თეატრის გარდერობებში დაცული მივიწყებული და უცნობი კოსტიუმების მოძიებას, შესწავლას, დოკუმენტირებას და კომპაქტ-დისკზე განთავსებას.
პროექტი საზოგადოებას წარმოუდგენს იმ ისტორიული კოსტიუმების კოლექციას, რომელიც წლების განმავლობაში თეატრების გარდერობებში ინახება და უცნობია ფართო საზოგადოებისთვის.
პროექტის მიზანია შეავსოს XX საუკუნის პირველი ნახევრის ქართული თეატრალური კოსტიუმის ისტორია, აღადგინოს ამ პერიოდის ლეგენდარული მხატვრების და მსახიობების მიერ შექმნილი განუმეორებელი სცენური სახეები და გამოფენის სახით თბილისის საერთაშორისო თეატრალური ფესტივალის ფარგლებში წარუდგინოს ფართო საზოგადოებას.
მასალის გამოყენების პირობები
