ეროვნული უშიშროების საბჭომ ინფორმაციის თავისუფლების განვითარების ინსტიტუტთან ურთიერთთანამშრომლომის მემორანდუმი გააფორმა. მემორანდუმის მიზანი, საბჭოს საქმიანობასთან დაკავშირებული საჯარო ინფორმაციის პროაქტიულად გამოქვეყნების სისტემის დანერგვაა.
დოკუმენტი, რომელსაც ხელს საბჭოს მდივანი ირინე იმერლიშვილი და ინსტიტუტის დირექტორის გიორგი კლდიაშვილი აწერენ, საბჭოს საქმიანობის გამჭვირვალობისა და საზოგადოებრივი ანგარიშვალდებულების ამაღლებას, კანონმდებლობით გათვალისწინებული საჯარო ინფორმაციის გამოქვეყნებას და საბჭოს ოფიციალური ვებ-გვერდის არსებულ სტანდარტებთან შესაბამისობაში მოყვანას ითვალისწინებს.
საბჭოს ვებგვერდზე გამოქვეყნდება ინფორმაცია საბჭოს მდივნის, მოადგილეების, საბჭოს აპარატის სტრუქტურული ერთეულებისა და ხელმძღვანელი პირების შესახებ. ასევე, საბჭოს საქმიანობასთან დაკავშირებული ფინანსური ანგარიშები.
მასალის გამოყენების პირობები
