ევროკავშირთან ასოცირების ხელშეკრულების ხელმოსაწერად გასამგზავრებელ ქართულ დელეგაციის შემადგენლობაში პრეზიდენტი გიორგი მარგველაშვილი
არ იქნება. როგორც ჟურნალისტებთან საგარეო საქმეთა მინისტრმა მაია ფანჯიკიძემ განაცხადა დელეგაციის შემადგენლობაში იქნებიან პრემიერ-მინისტრი ირაკლი ღარიბაშვილი და ოთხი სამინიტროს წარმომადგენელი.
,,საქართველოს დელეგაცია განსაზღვრულია ფორმულით, 1+4, რაც ნიშნავს დელეგაციის ხელმძღვანელს_პრემიერ-მინისტრს, რომელიც ხელს მოაწერს ასოცირების ხელშეკრულებას, ხოლო მისი თანმხლები იქნება ოთხი მინისტრი. იმ უწყებების ხელმძღვანელები, რომლებიც მონაწილეობდნენ ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის შეთანხმების შემუშავებაში. Eეს უწყებებია: საგარეო საქმეთა სამინიტრო, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ეკონომიკისა და მდგრადი განვითარების მინისტრი, ამავე დროს ვიცე-პრემიერი და იუსტიციის მინისტრი. პრეზიდენტი ბრიუსელში არ მიემგზავრება", _განაცხადა ფანჯიკიძემ.
შეგახსენებთ, რომ ევროკავშირთან ასოცირების ხელშეკრულებას ხელი 27 ივნისს ადგილობრივი დროით დილის 09.00 საათზე მოაწერება.
