პრეზიდენტის სასახლეში გიორგი მარგველაშვილისა და სომხეთის პრეზიდენტ სერჟ სარგსიანის შეხვედრა მიმდინარეობს
პრეზიდენტის სასახლის ეზოში სომხეთის პრეზიდენტის დახვედრის საზეიმო ცერემონია გაიმართა, რომელსაც საქართველოში აკრედიტებული ელჩები, საქართველოს ეკონომიკისა და მდგრადი განვითარების მინისტრი გიორგი კვირიკაშვილი, დიასპორის საკითხებში საქართველოს სახელმწიფო მინისტრი კონსტანტინე სურგულაძე, უშიშროების საბჭოს მდივანი ირინე იმერლიშვილი, პარლამენტის ვიცე-სპიკერი ზურაბ აბაშიძე, კულტურის მინისტრის მოადგილე მანანა ბერიკაშვილი, საპარლამენტო უმრავლესობის წევრები და პრეზიდენტის მრჩეველები დაესწრნენ.
ამ წუთებში საქართველოს პრეზიდენტი სომხეთის პრეზიდენტს პირისპირ ხვდება, რის შემდეგაც დელეგაციები გაფართოებული შემადგენლობით შეხვდებიან. შეხვედრის დასრულების შემდეგ ორი ქვეყნის პრეზიდენტები მედიასთან ერთობლივ განცხადებებს გააკეთებენ.