საქართველოს კულტურისა და ძეგლთა დაცვის მინისტრის მოადგილე ალექსანდრე მარგიშვილი თვითმმართველობის არჩევნებს აფასებს და განმარტავს, რომ ქვეყანამ ძალიან მნიშვნელოვანი ნაბიჯი გადადგა რეალური სახალხო მმართველობის მიმართულებით.
„2014 წელს ჩატარებული თვითმმართველობის არჩევნები დემოკრატიული ხელისუფლების ისტორიული გამოცდილების მქონე ბევრი ევროპული სახელმწიფოსთვისაც სამაგალითოა. საქართველომ გამოხატა თავისუფალი ნება და აირჩია ადგილობრივი ხელისუფლება, ვისაც არსებული პრობლემების გადაწყვეტა და გრძელვადიანი განვითარების უზრუნველყოფა დაავალა. ნიშანდობლივია, რომ მთელი საქართველოს მასშტაბით ამომრჩეველმა ნდობა კვლავ 2012 წლის საპარლამენტო და 2013 წლის საპრეზიდენტო არჩევნებში გამარჯვებულ პოლიტიკურ ძალას - „ქართულ ოცნებას"გამოუცხადა.
ქვეყნის საკრებულოებში „ქართული ოცნება" წევრთა 2/3-ით იქნება წარმოდგენილი, რაცს რულფასოვან ლეგიტიმაციაზე მეტყველებს, ხოლო წარმომადგენელთა დარჩენილი 1/3-დან უმეტესობა მოიპოვეს საინიციატივო ჯგუფებმა და რამდენიმე პარტიამ, გარდა ყოფილი ხელისუფლებისა, რომლის წარმომადგენლობამ საკრებულოების წევრთა 1/8-ს ვერ გადააჭარბა.
„ქართული ოცნების" მიმართ ქართველი ხალხის მაღალი ნდობის გამოხატულებას წარმოადგენს მერებისა და გამგებლების არჩევნებში კანდიდატთა უპირობო ლიდერობა: „ქართული ოცნების" მიერ დასახალებელი კანდიდატების ნაწილმა პირველივე ტურში გადალახა უპრეცედენტოდ მაღალი - 50%-იანი ბარიერი, ხოლო მეორე ტურში გასული ნაწილის მიერ მოპოვებული მხადაჭერის მოცულობა მნიშვნელოვნად უსწრებს მეტოქეების მიერ მიღებულ ხმათა რაოდენობას.
ქართველმა ხალხმა როგორც პროპორციულ და მაჟორიტარულ, ასევე მერობისა და გამგებლების არჩევნებში ცალსახად და უპირობოდ დააფიქსირა თავისი უზენაესი ნება: „ქართულმა ოცნებამ" უნდა გააგრძელოს საქართველოს აღმშენებლობის საქმე! მიუხედავად ყოფილი ხელისუფლების ნარჩენების მხრიდან დესტრუქციის გაავებული,პროვოკაციული მცდელობებისა,„ქართული ოცნება" განახორციელებს იმ გეგმაზომიერ და გრძელვადიან შედეგებზე გათვლილ რეფორმებს, რომლებიც ჩვენს ხალხს მოუტანს კეთილდღეობას!", - აცხადებს ალექსანდრე მარგიშვილი.
