მომავალი კვირის განმავლობაში პლენარული სხდომები არ გაიმართება. როგორც იუსტიციის სახლში მიმდინარე ბიუროს სხდომაზე პარლამენტის თავმჯდომარემ დავით უსუფაშვილმა განაცხადა საკანონმდებლო ორგანო ივლისში რიგგარეშე სხდომების რეჟიმში დაუბრუნდება მუშაობას და განიხილავს ყველა იმ საკითხს რომელიც წარმოებაშია.
,,რაკი ბევრ რაიონსა და ქალაქში მეორე ტური ტარდება ხოლო იქ, სადაც მეორე ტური იმართება, არის ამომრჩეველთა ნახევარზე მეტი, ამიტომ პარლამენტის პლენარული სხდომები კვლავ შეჩერდება. პარლამენტი მუშაობას იმ რეჟიმში გააგრძელებს, რა რეჟიმშიც იყო 15 ივნისამდე. მომავალი კვირის განმავლობაში პლენარული სხდომები არ გაიმართება, ხოლო ივლისში რიგგარეშე სხდომების რეჟიმში დავუბრუნდებით ყველა იმ საკითხს რაც წარმოებაშია", - განაცხადა დავით უსუფაშვილმა.
