არასამთავრობო ორგანიზაცია "საერთაშორისო გამჭვირვალობა საქართველო" არჩევნებში მონაწილე რამდენიმე კანდიდატისთვის ცესკო-ს მხრიდან ხმების დაკლებაზე მიუთითებს.
კერძოდ, საუბარია "ნაციონალური მოძრაობის" მერობის კანდიდატ ნიკა მელიაზე, რომელსაც "საერთაშორისო გამჭვირვალობის" ინფორმაციით, საბურთალოს #78-ე უბანზე ოქმში 131-ის ნაცვლად, 31 ხმა უწერია, ასევე სამგორში, #20-ე უბანზე 118 ხმის მაგივრად 18 უწერია და სამგორის #12-ე უბანზე, სადაც მელიას ოქმში 111-ის ნაცვლად, 11 ხმა უწერია.
"საერთაშორისო გამჭვირვლობის" წარმომადგენლები ასევე საუბრობენ "პატრიოტთა ალიანსის" კანდიდატ ირმა ინაშვილისთვის ხმების დაკლებაზე.
