საგარეო საქმეთა მინისტრმა მაია ფანჯიკიძემ საქართველოში ნორვეგიის სამეფოს ელჩი ერლინგ შონსბერგი მიიღო, რომელიც უახლოეს დღეებში საქართველოში საქმიანობას დაასრულებს.
საგარეო უწყების ინფორმაციით, შეხვედრისას განხილულ იქნა საქართველოსა და ნორვეგიის სამეფოს შორის არსებული ურთიერთობები და განვითარების პერსპექტივები. საუბარი ასევე შეეხო საქართველოს ევროპული და ევრო-ატლანტიკური ინტეგრაციის საკითხებს, უკრაინაში განვითარებულ მოვლენებს და რუსეთთან ურთიერთობებში არსებულ გამოწვევებს.
საქართველოს საგარეო საქმეთა მინისტრმა მადლობა გადაუხადა ნორვეგიის ელჩს ორ ქვეყანას შორის თანამშრომლობის გაღრმავების საქმეში შეტანილი მნიშვნელოვანი წვლილისთვის და შემდგომი წარმატებები უსურვა.
