მედიაში გავრცელებულ არჩევნებში გამარჯვების აღმნიშვნელ ფოტოსურათებს, სადაც ქუჩაში გაშლილი სუფრებიც შეგვხვდებოდა, დამოუკიდებელი ექსპერტი რომან გოცირიძე ფეისბუკის საკუთარ გვერდზე ეხმიანება.
„ყოველთვის მიკვირდა, რატომ ზეიმობენ არჩევნებში გამარჯვებას ასე ხმაურიანად და გადაჭარბებული ემოციით. ამერიკელები მყავს პირველ რიგში მხედველობაში. მათ ჩვენც და სხვებიც წარმატებით ვბაძავთ. თუმცა, გაშლილი სუფრები და ჭამა-სმის ატრიბუტი, ეს უკვე ქართული პროვინციული კულტურის ნაირსახეობაა. ამ ისტერიულ სიხარულში რაღაცნაირად უფრო პირადი ცხოვრების შესაძლო კეთილმოწყობით განცდილი ბედნიერება უფრო გამოსჭვივის, ვიდრე ქვეყნის სამსახურში ჩადგომის სიხარული", _ წერს რომან გოცირიძე ფეისბუკის საკუთარ გვერდზე.
