საიას თავმჯდომარე კახა კოჟორიძე მარტვილის რაიონში მომხდარ ფაქტს ეხმიანება და აცხადებს, აღნიშნული ეწინააღმდეგება როგორც საარჩევნო კოდექსს, არამედ შეიცავს დანაშაულის ნიშნებს.
,,ფაქტი რომელიც საარჩევნო უბანზე შეიარაღებული პირების შესვლას და ბიულეტენების წაღებას უკავშირდება არის უხეში დარღვევა არა მხოლოდ საარჩევნო კოდექსის, არამედ შეიცავს ცალსახად დანაშაულის ნიშნებს და როგორც ცესკომ განაცხადა, ამ უბანში განმეორებითი კენჭისყრა ჩატარდება", _განაცხადა კოჟორიძემ.
წუხელ, დაახლოებით 2-დან 3- საათამდე მარტვილის საარჩევნო ოლქის დოშაყეს #16-ე საარჩევნო უბანი დააყაჩაღეს.
შეიარაღებულმა პირებმა საარჩევნო უბნიდან, რომელსაც დაცვის პოლიცია იცავდა, საარჩევნო ბიულეტენები და ყუთი წაიღეს.უბანში რეგისტრირებულია 350 ამომრჩეველი.
შეგახსენებთ, რომ მარტვილის რაიონში მომხდარ ფაქტზე გამოძიება ყაჩაღობის მუხლით მიმდინარეობს. როგორც შსს გამართულ პრესკონფერენციაზე უწყების პრესსამსახურის უფროსმა ნინო გიორგობიანმა საკითხის კომენტირებისას განაცხადა სამართალდამცავებმა უკვე აღმოჩინეს გატაცებული ბიულეტენები, რომელიც დაზიანებული არ არის.
