ვლადიმერ პუტინი უახლოეს თვეებში დონეცკისა და ლუგანსკის ოლქების ხელში ჩაგდებასა და საპარლამენტო არჩევნებისათვის უკრაინის მთლიან დესტაბილიზებას გეგმავს. განცხადება ამის საქართველოს ყოფილმა პრეზიდენტმა მიხეილ სააკაშვილმა გააკეთა.
„პუტინის გეგმა სრულიად ნათელია. მისთვის უკრაინის ნებისმიერი სახელმწიფოებრიობა - ეს სასიკვდილო საფრთხეა... მშვიდობა პუტინისეულად - ეს უკრაინის სრული კაპიტულაციაა",_ განაცხადა სააკაშვილმა.
მან ასევე აღნიშნა, რომ რუსეთს საბრძოლო მოქმედებების წარმოება ზაფხულში უნდა.
„რუსებს უყვართ ომი ზაფხულში, როდესაც ადამიანები ოლიმპიადაზე, ფეხბურთში მსოფლიო ჩემპიონატზე და ზაფხულის დასვენებაზე არიან გადართულნი. აფხაზეთის ომის კულმინაცია აგვისტოში იყო, ყირიმში კულმინაცია - ოლიმპიადის დროს... პუტინმა ქვეყანაზე ფაქტი უნდა შექმნას. ის მიიჩნევს, რომ ზაფხული მისთვის ძალიან მნიშვნელოვანია.ამიტომაც უკრაინას აქვს მხოლოდ რამდენიმე თვე, იქნებ 5-7 კვირაც, იმისათვის, რომ არ დაუშვას, რომ ეს ფაქტები დედამიწაზე შეუქცევადი გახდეს",_ განაცხადა სააკაშვილმა.
მისივე თქმით: „მიმაჩნია, პუტინის გეგმა შემდეგნაირია: რამდნიმე თვის განმავლობაში, მანამ ვიდრე უკრაინის არმია მომაგრდება, მან ის დონეცკიდან და ლუგანსკიდან უნდა გამოდევნოს. ათასობის გადაადგილებულ პირთან ერთად.
გამოუცხადოს სრული ეკონომიკური ემბარგო უკრაინას და საპარლამენტო არჩევნებისათვის მიიღოს უკრაინაში ისეთი სიტუაცია, როდესაც კიევი გადავსებული იქნება დევნილებით, როდესაც უკრაინამ შემოიღო საომარი მდგომარეობა, როდესაც ეკონომიკა თავისუფალ ვარდნას განიცდის და ადამიანები უკვე ძალიან უკმაყოფილონი არიან. მანამდე მას შეუძლია ილაპარაკოს მშვიდობაზე",_ დარწმუნებულია საქართველოს ყოფილი პრეზიდენტი მიხეილ სააკაშვილი.