"მარნეულში კოალიცია "ქართული იცნების" კანდიდატურის მოხსნით ჩვენ "ნაციონალურ მოძრაობას" ამ მნიშვნელოვან რეგიონში სახიფათო თამაშის წამოწყების მიზეზი არ მივეცით" ,-ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს თემის კომენტირებისას განუცხადა.
მთავრობის მეთაურის შეფასებით, კოალიციის პოლიტსაბჭოს მიერ მიღებული გადაწყვეტილება უპრეცენდენტო იყო.
"ვერ დამისახელებთ ვერც ერთ მაგალითს, როდესაც მმართველი გუნდი ხსნის საკუთარ კანდიდატურას და მაშინ, როდესაც ამ კანდიდატს გამარჯვება პრაქტიკულად გარანტირებული აქვს. ჩვენ ამ ჟესტით "ნაციონალურ მოძრაობას" არ მივეცით ამ მეტად მნიშვნელოვან რაიონში სახიფათო თამაშის და პროვოკაციების წამოწყების საბაბი. ჩვენი გადაწყვეტილება უპრეცენდენტოა და იმაზე მიუთითებს, რომ ჩვენ ვამკვიდრებთ მაღალ პოლიტიკურ კულტურას საქართველოში"-განაცხადა პრემიერმა.
ირაკლი ღარიბაშვილს ასევე კითხვა დაუსვეს პრეზიდენტის ადმინისტრაციის უფროსის გადადგომასთან დაკავშირებით. პრემიერმა აღნიშნულ საკითხზე კომენტარი არ გააკეთა, ხოლო გავრცელებულ ინფორმაციას, პრეზიდენტის ადმინისტრაციის უფროსად განათლების მინისტრ თამარ სანიკიძის დანიშვნის შესახებ, არასწორი უწოდა.
მასალის გამოყენების პირობები
