პოლიტოლოგი რამაზ საყვარელიძე ,,ჯი-ეჩ-ენთან"საუბარში პრეზიდენტ გიორგი მარგველაშვილის მრჩევლის ვანო მაჭავარიანისა და პრეზიდენტის ადმინისტრაციის უფროსის ლაშა აბაშიძის თანამდებობიდან წასვლას ეხმიანება და აცხადებს, რომ აღნიშნული გადაწყვეტილება სამუშაოსთან შეუთავსებლობითაა განპირობებული.
,,ძნელი სათქმელია რას შეიძლება უკავშირდებოდეს აბაშიძისა და მაჭავარიანის თანამდებობიდან წასვლა, ალბათ, პირველი ვერსია რაც თავში ჩნდება დავუშვათ ივანიშვილთან მარგველაშვილის ურთიერთობის შესაძლო ცვლილება. გახსოვთ, სწორედ მაჭავარიანი იყო ამ ურთიერთობის გართულების ერთ-ერთი მიზეზი, მაგრამ ეს ვერსიაც არადამაჯერებელია იმ ფონზე, რომ მარგველაშვილისა და ივანიშვილს შორის ურთიერთობის გართულების კიდევ უფრო ძლიერი მიზეზი ავლაბრის საპრეზიდენტო რეზიდენციაში მარგველაშვილის შესვლა იყო. თუ მარგველაშვილმა რეზიდენცია დატოვა მაშინ მასა და ივანიშვილს შორის შორის ურთიერთობის შეცვლის ვერსია გამართლდება, თუ არა და მაშინ ეს ვერსია, უბრალოდ, მეხსიერებიდან ამოტივტივებული ვერსიაა", _განაცხადა საყვარელიძემ.
რაც შეეხება ,,ჯი-ეიჩ-ენი" შეკითხვას რამდენად შესაძლებელია მაჭავარიანისა და აბაშიძის თანამდებობიდან წასვლა პრეზიდენტ გიორგი მარგველაშვილთან დაპირისპირებას უკავშირდებოდეს საყვარელიძე პასუხობს:
,, მაჭავარიან-აბაშიძესა და მარგველაშვილს შორის დაპირისპირება ძალიან საეჭვოა. რამდენადაც ვიცი, მათ უამრავი რამ გამოუვლიათ ისე რომ თავიდან აუცილებიათ და მოუგვარებიათ ყველა სახის სირთულე. Aასე რომ, ძნელი წარმოსადგენია რა შეიძლება მომხდარიყო ახლა ისეთი რომ დაშორების გარდა მათ სხვა გზა არ ჰქონოდათ", _განაცხადა ,,ჯი-ეიჩ-ენთან" საუბარში საყვარელიძემ, რომელიც ლაშა აბაშიძისა და ვანო მაჭავარიანის თანამდებობიდან წასვლას სამუშაო პროცესთან შეუთავსებლობით ხსნის.
,,ეს უფრო სამუშაო შეუთავსებლობაა და არა პიროვნული. ჩვენ შეიძლება ერთმანეთი ძალიან გვიყვარდეს, მაგრამ რომ მთხოვოთ ხაჭაპური გამიკეთეო და მე ვერ გაგიკეთოთ მერე აღარ მთხოვთ. ეგ არის და ეგ", _განაცხადა საყვარელიძემ.
შეგახსენებთ, რომ პრეზიდენტის ადმინისტრაციის უფროსმა ლაშა აბაშიძე და პრეზიდენტის მრჩეველმა საგარეო ურთიერთობათა საკითხებში ვანო მაჭავარიანმა თანამდებობა დატოვა.
