ვიცე-პრემიერი კახა კალაძე კოალიცია ,,ქართული ოცნების" პოლიტსაბჭოს გადაწყვეტილებას უპრეცედენტოს უწოდებს. როგორც საკითხის კომენტირებისას კალაძემ განმარტა აღნიშნული გადაწყვეტილებით კიდევ ერთხელ დადასტურდა, რომ ხელისუფლება აშენებს დემოკრატიულ სახელმწიფოს.
,,ქართულმა ოცნებამ" მიიღო უპრეცედენტო გადაწყვეტილება, რადგან კონკრეტული ოპოზიციური პარტიების მხრიდან ხდებოდა მუდმივად მიზანმიმართული საუბრები იმასთან დაკავშირებით, რომ გარკვეული არეულობები იგეგმებოდა, ცდილობდნენ ეთნიკურ ნიადაგზე დაპირისპირებას. ჩვენ კიდევ ერთხელ დავამტკიცეთ, რომ ვაშენებთ დემოკრატიულ ქვეყანას, დემოკრატიულ საქართველოს, სადაც თითოეული მოქალაქის უფლებები დაცული იქნება", _განაცხადა კალაძემ.
შეგახსენებთ, ქართული ოცნების" პოლიტსაბჭომ მიიღო გადაწყვეტლება, ურჩიოს მარნეულში გამგებლობის საკუთარ კანდიდატს მოხსნას საკუთარი კანდიდატურა. ხოლო "ქართული ოცნების" მარნეულის გამგებლობის კანდიდატი მერაბ თოფჩიშვილი ამ საკითხთან დაკავშირებით გადაწყვეტილებას ორ დღის განმავლობაში მიიღებს.
იგი გვიანობამდე მართავდა კონსულტაციებს ,,ქართული ოცნების" ოფისში დახურულ კარს მიღმა. ჯერჯერობით, უცნობია ვისთან გამართა შეხევდერა თოფჩიშვილმა.
გვიან ღამით ხმაური იყო კოალიცია ,,ქართული ოცნების" ოფისთანაც, სადაც თოფჩიშვილის მხარდამჭერებმა პოლიტსაბჭოს გადაწყვეტილება გააპროტესტეს.
