,,ნაცმოძრაობის" წევრის გიგა ბოკერიას განცხადებით, ზუგდიდში მიმდინარე პროცესებზე პასუხისმგებლობა პრემიერ-მინისტრს ირაკლი ღარიბაშვილს ეკისრება.
მისივე განმარტებით, პრემიერ-მინისტრმა პაატა ქარდავას და დავით ცინდელიანის ოჯახის ტრაგედია უზნეოდ გამოიყენა.
,, Pპირადად პრემიერ-მინისტრი ღარიბაშვილი აგებს პასუხს იმაზე რასაც დღეს ჩვენ ზუგდიდში ვხედავთ, ამ ოჯახების ტრაგედიის ცინიკურად, უზნეოდ გამოყენებაზე, ამ ძალადობაზე იმ უბრალო მიზეზის გამო რომ მან დაადო ხელი საკუთარ პოლიტიკურ ოპონენტს პირდაპირ, აბსოლუტურად უპასუხისმგებლოდ მაშინაც როცა გამოძიებაში ფორმალურად არ ფიგურირებს გუნავას გვარი", _განაცხადა ბოკერიამ.
შეგახსენებთ, რომ ,,ნაცმოძრაობის" ზუგდიდის რაიონულ ოფისთან დაპირისპირება მოხდა, სადაც საპროტესტო აქციას მეტყევე-რეინჯერ დავით ცინდელიანისა და თავდაცვის სამინისტროს დაზვერვის ოფიცრის პაატა ქარდავას ახლობლები მართავენ.
მათ პარტიის ოფისთან ახლოს მიახლოვება სცადეს, რის საშუალება სამართალდამცავებმა არ მისცეს. რის შემდეგ ფიზიკური დაპირისპირება მოხდა პოლიციელებსა და ცინდელიანისა და ქარდავას ნათესავებს შორის.
ისინი მკვლელობის შემკვეთისა და შემსრულებლის დასჯას მოითხოვენ.
