,,საერთო ჯამში, მედიაგარემო ამომრჩევლებისთვის არჩევნებთან დაკავშირებული ადეკვატური ინფორმაციის მიწოდებას უზრუნველყოფს", _ნათქვამია ,,ეროვნულ-დემოკრატიული ინსტიტუტის" (NDI-ის) 2014 წლის 15 ივნისს დაგეგმილი ადგილობრივი არჩევნების წინამდებარე შუალედურ ანგარიშში.
ანგარიშის თანახმად მედიასაშუალებები საარჩევნო კამპანიას დაბალანსებულად და გამჭვირვალედ აშუქებენ.
,,ზოგადად, მედია საშუალებები საარჩევნო კამპანიას დაბალანსებულად და გამჭვირვალედ აშუქებენ.რეგიონული და ადგილობრივი მაუწყებლები კანდიდატებს შორის დებატებს მართავენ და აშუქებენ. რამდენიმე პოლიტიკური პარტია, განსაკუთრებით მსხვილი პარტიები, დებატებში მონაწილეობის შესაძლებლობას სრულად არ იყენებს. რეგიონული მედიისთვის არჩევნების გაშუქებისას მთავარ დაბრკოლებად რესურსების სიმცირე და კანდიდატთა სიმრავლე მიიჩნევა. გასული თვის განმავლობაში მედიის თავისუფლებასთან დაკავშირებით კითხვები ორ შემთხვევაში გაჩნდა. სამოქალაქო საზოგადოების ორგანიზაციათა ჯგუფმა, მათ შორის - საერთაშორისო გამჭირვალობა-საქართველომ, სამართლიანმა არჩევნებმა და სამოქალაქო განვითარების სააგენტომ - 11 მაისს გაავრცელა განცხადება, სადაც ნათქვამია, რომმიუღებელია მედიის წარმომადგენლების სისხლისსამართლებრივი დევნა ფარული ჩანაწერების მოპოვებისა და გავრცელების გამო. ეს განცხადება უკავშირდებოდა ხელისუფლებისა და პარლამენტის წევრების მუქარას რუსთავი 2-ის წინააღმდეგ სამართლებრივი მოქმედების დაწყების შესახებ. სამოქალაქო ორგანიზაციებმა განაცხადეს, რომ რუსთავი 2-ის ჟურნალისტები მაუწყებელთა ქცევის კოდექსის სრული დაცვით მოქმედებდნენ. ასევე მაისში მთავრობამ ტელეკომპანია მაესტროს ჟურნალისტიმიკერძოებულობაში დაადანაშაულა, რადგან მან ინტერვიუ ჩამოართა პირებს, რომლებმაც მთავრობის მიმართ კრიტიკული მოსაზრებები დააფიქსირეს. სამოქალაქო საზოგადოების მიერ ეს შემთხვევა სახელმწიფოს მხრიდან ტელეკომპანიის სარედაქციო პოლიტიკაში ჩარევის მცდელობად შეფასდა", _ნათქვამია ანგარიშში.
