თბილისის უფლებამოსილებაშეჩერებული მერი გიგი უგულავა მარნეულში მისი ქმედების გამო საზოგადოებას ბოდიშს უხდის და აცხადებს, რომ ყვირილი და ხმამაღალი საუბარი ლამაზი არ არის.
,,საღამოს ვნახე ჩემი თავი, თვითონ არ მომეწონა. ბოდიშს ვუხდი საზოგადოებას, ყვირილი და ხმამაღალი საუბარი ლამაზი არ არის, მაგრამ რას ვიზამთ, ხანდახან ასეთ ხდება ხოლმე", - განაცხადა უგულავამ.
შეგახსენებთ, რომ მარნეულის საოლქო კომისიის თავმჯდომარესა და "ნაციონალური მოძრაობის" ლიდერებს შორის გუშინ სიტყვიერი დაპირისპირება მოხდა.
კომისიის თავმჯდომარემ "ნაციონალების" კანდიდატი რეგისტრაციიდან მოხსნა, მიზეზად კი საჭირო პროცედურების დარღვევა დაასახელა და აცხადებს, რომ ის საქართველოში ბოლო ორი წლის განმავლობაში არ ცხოვრობდა.
ოპოზიცია ხელისუფლებას ზეწოლაში ადანაშაულებს. მმართველ გუნდში კი ბრალდებებს აბსურდულს უწოდებენ და ამტკიცებენ, რომ პარტია მარნეულში კანონდარღვევით მოქმედებდა. დღეს კი ,,ნაციონალური მოძრაობა" მარნეულის საოლქო კომისიის გადაწყვეტილებას ცესკო-ში გაასაჩივრებას გეგმავს.
