"ნაციონალური მოძრაობა" მარნეულში პარტიის გამგებლობის კანდიდატზე ზეწოლასთანდ დაკავშირებით უწყებათაშორის კომისიას მიმართავს
"ნაციონალიური მოძრაობის" წარმომადგენლის, ზურაბ ჭიაბერაშვილის განცხადებით, ფოთსა და რუსთავში კოალიცია "ქართული ოცნების" მერობის კანდიდატებთან დაკავშირებით საარჩევნო ადმინისტრაციამ არც კი განიხილა საჩივარი, რომელიც ამ ორი პიროვნების საქართველოში ცხოვრების საარჩევნო კანონმდებლობით განსაზღვრული პირობების დაკმაყოფილების საკითხს ეხებოდა.
"ამ ფონზე მარნეულში "ნაციონალური მოძრაობის" გამგებლობის კანდიდატის, აკმამედ იმამყულიევის მიმართ ანალოგიური საქმის წარმართვას აშკარად პოლიტიკური სარჩული აქვს და საარჩევნო კანონმდებლობის შერჩევითად ინტერპრეტაციის მაგალითს წარმოადგენს", - აღნიშნა ჭიაბერაშვილმა.
მისივე თქმით, პარლამენტის წევრი კოალიცია "ქართული ოცნებიდან" ალი მამედოვი პირადად შეხვდა აკმამედ იმამყულიევს და მოსთხოვა კანდიდატურის მოხსნა.
