საპარლამენტო უმცირესობის წარმომადგენლის დავით დარჩიაშვილის აზრით, ხელისუფლების შიგნით დაპირისპირების არსებობას „ნაციონალური მოძრაობის" მიერ ჭორების გავრცელება არ სჭირდება
როგორც „ჯი-ეიჩ-ენ"-თან საუბარში დავითა დარჩიაშვილმა განაცხადა, „ქართული ოცნების" ელიტა ერთმანეთის მიმართ ეჭვით და უნდობლობით გამსჭვალული ადამიანების კრებულია, რომლებსაც მხოლოდ ბიძინა ივანიშვილის მილიარდები და „ნაციონალური მოძრაობის" მიმართ შიში აერთიანებთ.
„ხელისუფლების შიგნით ძვრებს ერთადერთი ბიძინა ივანიშვილის მილიარდები აჩერებს და სრული დამოკიდებულება მასზე . ვიდრე თვითონ ჩართულია ხელისუფლების კონტროლში, მანადმე შეიძლება ძვრა არ მოხდეს, მაგრამ მას ძალიან მალე მობეზრდება კონტროლი და თავის თავს მიხედავს. მერე ვნახავთ, რა ძვრები მოხდება ამ ადამიანებს შორის, რომლებიც ერთმანეთს დასანახავად ვერ იტანენ", -განაცხადა პარლამენტარმა „ჯი-ეიჩ-ენთან" საუბარში.
პრემიერ-მინისტრის ირაკლი ღარიბაშვილის განცხადებით, „ნაციონალური მოძრაობა" ავრცელებს ჭორებს, რომ ხელისუფლებაში დაძაბულობაა, რაც სიმართლეს არ შეესაბამება. მათ ძალიან ბევრი დეზინფორმაციული სააგენტოები აქვთ შექმნილი, რისი საშუალებითაც ხდება ამ დეზინფორმაციების გავრცელება, რათა დაძაბონ საზოგადოება, რომ რაღაც ხდება. პრემიერის თქმით, 1% -იც კი არ არსებობს იმის რისკი და საშიშროება, რომ რაიმე ძვრები მოხდეს ან მთავრობაში, ან ხელისუფლებაში.