გავრცელებული ინფორმაცია იმასთან დაკავშირებით, რომ დუშეთის რაიონში,
ლაფანაანთკარის თემის სოფელი ქერიაანთკარი გარესამყაროსაა მოწყვეტილი,
სიმართლეს არ შეესაბამება.
1-ელ ივნისის სტიქიამ სოფელთან დამაკავშირებელი გზის მონაკვეთი დააზიანა, რის გამოც რამდენიმე საათით ამ მონაკვეთზე შეზღუდული იყო მსუბუქი ავტომობილების გადაადგილება. ხოლო 2 ივნისს, შუადღის საათებში მოძრაობა სრულად აღდგა.
ინფორმაციას ადასტურებს სოფელ ლაფანაანთკარის ტერიტორიული ორგანოს ხელმძღვანელი გოჩა წიკლაური.
სახელმწიფო რწმუნებულის - გუბერნატორის ადმინისტრაცია მცხეთა-მთიანეთის რეგიონში აცხადებს, რომ რეგიონის არც ერთი სოფელი არაა გარესამყაროს მოწყვეტილი. ამ დროისთვის მიმდინარეობს სტიქიიგან მიყენებული ზარალის აღწერა.