არასამთავრობო ორგანიზაცია"ადამიანი, კანონი, თავისუფლებას" წარმომადგენლები კოალიცია „ქართული ოცნებას" მერობის კანდიდატს, დავით ნარმანიას შეხვდნენ. შეხვედრაზე განხილულ იქნა ის რიგი საკითხებისა, რომელიც განხორციელდება კანდიდატის მერად არჩევის შემთხვევაში.
როგორც დავით ნარმანიამ აღნიშნა, აუცილებელია დედაქალაქის ბიუჯეტში იმ ცვლილებების შეტანა, რომელიც ხელს შეუწყობს პროგრამის სრულყოფილ განხორციელებას და ბიუჯეტში დარჩენილი თანხების ძირითად პრიორიტეტებზე გადანაწილება, ასევე მნიშვნელოვანია დონორ ორგანიზაციებისაგან დაფინანსების მოზიდვა და ამით თბილისის ბიუჯეტის გაზრდა.
საუბარი ასევე ტენდერებს შეეხო, რომელთა მაქსიმალური გამჭვირვალობისათვის დავით ნარმანია სატენდერო კომისიებისა და მონიტორინგის სამსახურის მაქსიმალურ ჩართულობას ასახელებს.
მერობის კანდიდატმა სითიპარკის სამსახურსა და წყალმომარაგების სისტემაზეც ისაუბრა, მისი თქმით ორივე საკითხი პრიორიტეტულია და უახლოეს მომავალში უნდა გადაწყდეს. როგორც დავით ნარმანიამ აღნიშნა, აუცილებელია დედაქალაქში დამატებითი ავტოსადგომების შექმნა, როგორც მიწისქვეშა, ასევე საჰაერო კონსტრუქციის, რაც მნიშვნელოვნათ განტვირთავს გზებს და შეუქმნის მეტ კომფორტს, როგორც მძღოლ, ასევე ქვეით მოქალაქეებს.
როგორც ორგანიზაციისათვის გახდა ცნობილი, „ქართული ოცნების" მერობის კანდიდატის გამარჯვების შემთხვევაში, უწყებაში მნიშვნელოვანი საკადრო ცვლილებები განხორციელდება. დავით ნარმანიას თქმით, უმნიშვნელოვანესია მერიაში დასაქმებული იყვნენ საკვალიფიკაციო მოთხოვნების შესაბამისი კადრები.