საგარეო ურთიერთობების საკითხებში პრეზიდენტის მრჩევლის ვანო მაჭავარიანის ინფორმაციით, საქართველოსა და შვეიცარიის პრეზიდენტები დღევანდელ შეხვედრაზე კონფლიქტურ რეგიონში არსებულ ვითარებაზე ისაუბრებენ.
"აფხაზეთშიც და ცხინვალშიც საკმაოდ დაძაბული ვითარებაა, რუსეთის ძალიან ღიად და უხეშად ერევა მიმდინარე პროცესებში, ჩვენ დეტალურად ვაკვირდებით და გვაქვს ინფორმაცია იქ მიმდინარე მოვლენებზე, ამ ყველაფრის შესახებ დეტალურად ვისაუბრეთ შვეიცარიის კონფედერაციის პრეზიდენტთან. მგონია, რომ ვისაუბრებთ ასევე შვეიცარიის როლზე, თუ რა თემები შეიძლება იყოს განხილული საქართველო - რუსეთის ურთიერთობების ჭრილში", - განაცხადა ვანო მაჭავარიანმა.
შვეიცარიის კონფედერაციის პრეზიდენტი დიდიე ბურკჰალტერი საქართველოს გუშინ ეწვია. ვიზიტის ფარგლებში უკვე შეხვდა საგარეო საქმეთა მინისტრს, დაგეგმილია შეხვედერები: პრემიერ-მინისტრ ირაკლი ღარიბაშვილთან, პარლამენტის თავმჯდომარის მოადგილესთან ზურაბ აბაშიძესთან, საქართველოს პრზიდენტთან.
დიდიე ბურკჰალტერი საქართველოდან დღეს, 3 ივნისს გაემგზავრება.
