საქართველოს მთავრობის მეთაურის ირაკლი ღარიბაშვილის პატივსაცემად გერმანიის ფედერალურ კანცელარიაში გამართული დახვედრის ოფიციალური ცერემონია დასრულდა.
გერმანიის კანცლერ ანგელა მერკელის მიწვევით, საქართველოს პრემიერ-მინისტრი ირაკლი ღარიბაშვილი, საქართველოს სამთავრობო დელეგაციასთან ერთად, ოფიციალური ვიზიტით გერმანიის ფედერაციულ რესპუბლიკაში იმყოფება.
პრემიერის პრესსამსახურის ინფორმაციით, ირაკლი ღარიბაშვილს გერმანიის კანცლერი ანგელა მერკელი კანცელარიის ეზოში დახვდა. ცერემონია საზეიმო ვითარებაში წარიმართა, შესრულდა საქართველოსა და გერმანიის ჰიმნი, მხარეები ორი ქვეყნის მთავრობის წევრებს მიესალმნენ.
