საჯარო რეესტრში რეგისტრაციის პროცესში, მხარეთა შორის სადაო საკითხების გადაწყვეტა ზეპირი მოსმენების გზით მიმდინარეობს.
სააგენტო დაინტერესებულ მხარეებს ზეპირ მოსმენაზე იმ შემთხევაში იწვევს, როდესაც უძრავი ქონების ან მეწარმეთა და არასამეწარმეო იურიდიულ პირთა რეგისტრაციის უარყოფითი შედეგით დასრულების შემთხვევაში მათ მიერ წარმოდგენილი დოკუმენტაციით სრულად ვერ დგინდება საქმისთვის არსებითი მნიშვნელობის მქონე ყველა გარემოება ან მხარისთვის გაუგებარია სარეგისტრაციო სამსახურის მიერ მიღებული გადაწყვეტილების შინაარსი და სხვა.
სააგენტოში ზეპირი მოსმენები ძირითადად მიწის ნაკვეთის რეგისტრაციის, სამეწარმეო დავების თუ სხვა პრობლემური საკითხების წარმოშობის დროს იმართება. დავებს შორის ყველაზე ხშირია ნაკვეთების ზედდებასთან დაკავშირებული პრობლემები და ბინათმესაკუთრეთა ამხანაგობის წევრთა დავები დამხმარე ფართის რეგისტრაციასთან დაკავშირებით.
ზეპირ მოსმენაზე სააგენტო სწორედ მედიატორის როლი ასრულებს. პრაქტიკამ აჩვენა, რომ სადავო საკითხის მედიაციის საშულებით მოგვარება, დავის გადაჭრის ოპტიმალურ გამოსავალს წარმოადგენს. დაინტერსებულ ფიზიკურ თუ იურიდიულ პირებს საშუალება ეძლევათ ვრცელი განმარტებები გააკეთონ სადაო საკითხთან დაკავშირებით, სრულყოფილად ჩამოაყალიბონ და დაასაბუთონ საკუთარი პოზიციები, მოუსმინონ სარეგისტრაციო სამსახურს, დამატებით წარმოადგინონ დოკუმენტები, პრობლემურ საკითხთან დაკავშირებით მიიღონ ამომწურავი ინფორმაცია და რეკომენდაციები.
2014 წლიდან, საჯარო რეესტრის ეროვნული სააგენტო, სხვადასხვა რთული კატეგორიის საქმეებთან დაკავშირებით, ყოველთვიურად საშუალოდ 50-მდე ზეპირ მოსმენას მართავს, რომელთა უმეტესი ნაწილი საჩივრის ავტორის სასარგებლოდ სრულდება.