საკანონდებლო ცვლილებების შედეგად, 90 %-ით შემცირდა ე.წ. "კრაკადილის", "ჯეფისა" და "ვინტის" მოხმარება, რაც ნარკოპოლიტიკაში ხელისუფლების თანმიმდვრულობაზე მიუთითებს.
აღნიშნულთან დაკავშირებით, შინაგან საქმეთა მინისტრის მოადგილემ, ლევან იზორიამ მარიხუანას დეკრიმინალიზაციის თემაზე საუბრისას ჟურნალისტებს განუცხადა,
მისი თქმით, მარიხუანა გაერო-ს სიებში მოცემულია, როგორც ჯანმრთელობისთვის ძალიან მავნე ნარკოტიკული ნივთიერება.
"ეს არ არის მხოლოდ საქართველოს გადაწყვეტილება და ინიციატივა. საქართველო, როგორც კონვენციის წევრი ქვეყანა, ამ სიებს აღიარებს და მარიხუანაზე გამონაკლისს არ უშვებს", - განაცხადა მან.
იზორიას თქმით, წინა ხელისუფლების მკაცრმა ნარკოპოლიტიკამ შედეგი ერთი მიმართულებით მოიტანა და კლასიკური ნარკოტიკული საშუალებები შავი ბაზრიდან პრაქტიკულად განიდევნა, მაგრამ ჩანაცვლდა ე.წ. სააფთიაქო ნარკომანიით.
"პრაქტიკულად, სახელმწიფომ ნარკოტიკული საშუალებების ლეგალიზება მოახდინა, რადგან არ იყო გარკვეული შეზღუდვები და კვოტები დაწესებული. ჩვენ თანმიმდევრულები ვართ ჩვენს ნარკოპოლიტიკაში და ჩვენი საკანონმდებლო ცვლილებების შედეგად, ე.წ. "კრაკადილის", "ვინტისა" და "ჯეფის" მოხმარება 90%-ით შემცირდა. მთავარია, ჯერ მათ შემოდინებას, უკანონო ბრუნვას ვებრძოლოთ. შემდეგი ნაბიჯია უკვე ის, რომ ვიფიქროთ, ამისთვის არსებობს ნარკომანიასთან ბრძოლის უწყებათაშორისი საბჭო, თუ რა შეიძლება, როგორი პოლიტიკა შევიმუშავოთ, განსაკუთრებით ნარკოდამოკიდებულ პირთან მიმართებაში. კერძოდ, საუბარია, გარკვეული სერვისების მიწოდებაზე, გარკვეული სარეაბილიტაციო ცენტრების აშენებაზე, რაც ეს თანხებს ითხოვს" - განაცხადა იზორიამ.