,,ნაცმოძრაობა" ხელისუფლების მხრიდან პოლიტიკურ ოპონტებზე ზეწოლის ფაქტებე კიდევ ერთელ მიუთითებს და უწყებეთაშორის კომისიას, მოუწოდებს უზრუნველყოს პოლიტიკურ კანდიდატებზე ზეწოლისა და მათი შანტაჟის გამოძიება. როგორც პარტიის ოფისში გამართულ პრესკონფერენციაზე ,,ნაცმოძრაობის" წევრმა ხათუნა გოგორიშვილმა განაცხადა გუშინ, 31 მაისს, „ერთიანი ნაციონალური მოძრაობის კიდევ ორმა კანდიდატმა „საკუთარი სურვილით" უარი განაცხადა მაჟორიტარ კანდიდატობაზე.
,,გუშინ, 31 მაისს, „ერთიანი ნაციონალური მოძრაობის კიდევ ორმა კანდიდატმა „საკუთარი სურვილით" უარი განაცხადა კანდიდატობაზე. ესენი არიან მარინა ბეგდარაშვილი (პარტიული სიის N16) და შოთა ადუაშვილი (პარტიული სიის N6 და განთიადის თემის მაჟორიტარობის კანდიდატი). ამ უკანასკნელთან გუშინ დილით თბილისიდან ჩამოვიდა მისი ძმისშვილი - მევლუდ ადუაშვილი, და აიძულა ბიძა განცხადება დაეწერა, რათა მას და მის ბიზნესს პრობლემები არ შექმნოდა.დაძაბული ვითარებაა მარნეულის საარჩევნო ოლქშიც. საკითხი შეეხება „ერთიანი ნაციონალური მოძრაობის" გამგებლობის კანდიდატს - აკმამედ იმამგულიევს. პირველივე დღიდან, როგორც კი ცნობილი გახდა, რომ ბატონი იმამგულიევი იქნებოდა გამგებლობის კანდიდატი, საკმაოდ ბევრი ადამიანის, მათ შორის მაღალი თანამდებობის პირების, მათი ნათესავების, პარლამენტის წევრების მხრიდან იყო პირდაპირი მცდელობა, რათა დაეთანხმებინათ იმამგულიევი მოეხსა კანდიდატურა. თუმცა ვერანაირი დაპირებებითა და დაშინებით შედეგს ვერ მიაღწიეს. ამჟამად ახალი მცდელობა წამოიწყეს - დღემდე სრულიად უცნობი არასამთავრობო სადამკვირვებლო ორგანიზაციის „თავისუფალი განვითარებისა და უფლებების დაცვის ასოციაციის" თვმჯდომარის ემზარ პაქსაძის სახელით ცესკოში შევიდა განცხადება იმამგულიევის რეგისტრაციის გაუქმების მოთხოვნით, იმ მოტივით რომ მას ბოლო ორი წელი მუდმივად არ უცხოვრია საქართველოში", _განაცხადა გოგორიშვილმა.
გოგორიშვილმა ცესკო-ს მოუწოდა ყველა საარჩევნო სუბიექტისათვის უზრუნველოს თანაბარი, ერთგვაროვანი საარჩევნო პირობები და გარემო.
,,მივმართავთ ცესკოს, გამოიჩინოს ობიექტურობა, დაიცვას საარჩევნო კანონმდებლობით განსაზღვრული ერთერთი მთავარი მოვალეობა - ყველა საარჩევნო სუბიექტისათვის უზრუნველოს თანაბარი, ერთგვაროვანი საარჩევნო პირობები და გარემო. არ გახდეს ხელისუფლების ბრმა ინსტრუმენტი კანდიდატებსა და საარჩევნო სუბიექტებზე ზეწოლის აღვირახსნილ კამპანიაში.მივმართავთ უწყებეთაშორის კომისიას, უზრუნველყოს კანდიდატებზე ზეწოლისა და მათი შანტაჟის თითოეული ფაქტის გამოძიება და კანონით დაგენილი ზემოქმედების განხორციელება.მივმართავთ საერთაშორისო და ადგილობრივ სადამკვირებლო და არასამთავრობო ორგანიზაციებს განახორციელონ მონიტორინგი თითოეულ ასეთ ფაქტზე", _განმარტა ხათუნა გოგორიშვილმა.
