არასამთავრობო ორგანიზაციამ „ადამიანი, კანონი, თავისუფლება" თბილისის მასშტაბით ჩაატარა სატელეფონო გამოკითხვა თუ რამდენად ენდობოდა მოსახლეობა საქართველოში NDI-ს წარმომადგენლის, ლუის ნავაროს მიერ ჩატარებულ კვლევებს.
ორგანიზაციის აღმასრულებელი დირექტორმა, ნიკოლოზ მაღალდაძემ კვლევის შედეგები წარადგინა. ნიკოლოზ მაღალდაძის განცხადებით „ორგანიზაციამ გამოიკითხა 707 სრულწლოვანი მოქალაქე სატელეფონო ინტერვიუს ფორმით. გამოკითხვა ჩატარდა 9-11 მაისს, მას შემდეგ რაც ლუის ნავარომ უკანასკნელი კვლევის შედეგები გაასაჯაროვა. დაისვა მხოლოდ 1 შეკითხვა, რომელიც ფორმულირებული იყო შემდეგნაირად: გთხოვთ მითხრათ, ენდობით თუ არა ლუის ნავაროს, NDI-ის (ეროვნულ-დემოკრატიული ინსტიტუტი) მიერ ჩატარებულ კვლევებს? შედეგების მიხედვით 58,2% არ ენდობა, 17,8% ენდობა, ხოლო 24%-ს არ სმენია შედეგების შესახებ".
როგორც მაღალდაძემ განაცხადა „გამოიკვეთა კიდევ ერთი საინტერესო დეტალი. კერძოდ, რესპოდენტთა ასაკის მატებასთან ერთად იკლებს ნდობის პროცენტული მაჩვენებელი და იმატებს უნდობლობა. ანუ, მოსახლეობის 17,8%, რომელიც ენდობა კვლევებს, რაც უფრო აცნობიერებს რეალობას, მით უფრო არ ენდობა ნავაროს კვლევებს. მაგალითად, კვლევამ აჩვენა, რომ 18-24 წლის თბილისის მოსახლეობის 24,2% ენდობა, ხოლო ეს პროცენტული მაჩვენებელი 25-34 წლის მოქალაქეებში მცირდება 22,8%-მდე, 35-44 წლის მოქალაქეებში - 15,4%-მდე, 45-54 წლის მოქალაქეებში - 15,1%, ხოლო 55-64 წლის მოქალაქეებში - 13,7%-მდე. საპენსიო ასაკის რესპოდენტებში ნდობა 8,8%-მდე ეცემა.
საპირისპირო მდგომარეობაა უნდობლობის მაჩვენებლებში. 58,2% მოსახლეობის, რომელიც უნდობლობას უცხადებს ნავაროს კვლევებს, ასაკის მატებასთან ერთად იზრდება. კერძოდ, 18-24 წლის ასაკის 9,2% არ ენდობა, 25-34 წლის - 18,7%, 35-44 წლის - 20,6%, ხოლო 45-54 წლის - 21,0%".
„აშკარაა, რომ ლუის ნავაროს მიერ ჩატარებული კვლევები საზოგადოებაში უნდობლობით მაღალი უნდობლობით სარგებლობს" - განაცხადა ნიკოლოზ მაღალდაძემ