"ნაციონალური მოძრაობის" წევრ ზურაბ ჭიაბერაშვილზე განხორციელებული თავდასხმის შესახებ თავისუფალი და სამართლიანი არჩევნებისათვის უწყებათაშორისი კომისიის სხდომაზე იმსჯელებენ.
აღნიშნული გადაწყვეტილება კომისიის თავმჯდომარე თეა წულუკიანმა მიიღო.
უწყებათაშორისი კომისიის წევრ არასამთავრობო ორგანიზაცია "ახალგაზრდა იურისტთა ასოციაციაში"(საია) მომხდარი ინციდენტის კომისიაში განხილვას ადეკვატურ გადაწყვეტილებად აფასებენ და მიიჩნევენ, რომ მსგავსი ინციდენტები წინასაარჩევნო პერიოდში კიდევ უფრო ძაბავს არსებულ ვითარებას.
საია სამართალდამცველ ორგანოებს თავდასხმის სწრაფი გამოძიებისა და დამნაშავეების დასჯისაკენ მოუწოდებს.
მომხდარს პოლიტიკურ ანგარიშსწორებად აფასებენ ,,ნაციონალურ მოძრაობაში" და მიიჩნევენ, რომ თავდამსხმელების პასუხისმგებლობის საკითხი არ დადგება.
სახელსიუფლებო კოალიციაში კი, მომხდარ ფაქტთან დაკავშირებით, პოლიტიკურ მოტივებს გამორიცხავენ და აცხადებენ, რომ სამართალდამცველები ინციდენტს დროულად გამოიძიებენ.
