14 ივლისს საქართველოს პრეზიდენტი გიორგი მარგველაშვილი ფრანსუა ოლანდის პირადი მიწვევით, საფრანგეთის რესპუბლიკას ესტუმრება.
პარიზში გიორგი მარგველაშვილი პირველი მსოფლიო ომის ხსოვნისადმი მიძღვნილ ღონისძიებებში მიიღებს მონაწილეობას და ამ დღესთან დაკავშირებულ აღლუმს 70 ქვეყნის წარმომადგენელთან ერთად დაესწრება.
ვიზიტის ფარგლებში ქვეყნის პირველი პირი ასევე ლევილის შატოს მოინახულებს და იქ მცხოვრებ ქართველებს შეხვდება.
გიორგი მარგველაშვილი მათთან იმ პრობლემურ საკითხებზე ისაუბრებს, რომლებიც იქ მცხოვრებ ქართველობას აწუხებს. საუბარი ლევილის შატოს რეაბილიტაციის პროექტსაც შეეხება, რომლის განხორციელებაში პრეზიდენტის ადმინისტრაციაც მიიღებს მონაწილეობას.
