პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია ფინეთში, ჰელსინკში ევროპის საბჭოს იურიდიულ საკითხთა და ადამიანის უფლებათა დაცვის კომიტეტის სხდომაზე იმყოფება.
ბესელია კომიტეტის ისეთი საკითხების განხილვაში მონაწილეობს, როგორიცაა: ECHR-ის სისტემის ეფექტურობა: გამოწვევები მომავალში; ადამიანის უფლებათა ევროპული სასამართლოს დამოუკიდებლობის გაძლიერება; წამების წინააღმდეგ ბრძოლა: ეროვნული მონიტორინგის ჯგუფის როლი; სასამართლო კორუფციის პრევენცია და აღმოფხვრა; ეჭვმიტანილ პირთა მიმართ კონვენციით შეურაცხყოფისაგან დაცვის ზომები; სიკვდილით დასჯის გაუქმება; სასამართლო კორუფცია: ასამბლეის წინადადებების დაუყოვნებლივი შესრულება; ეროვნული პარლამენტების როლი სასამართლოს მოცულობის და პასუხისმგებლობის გაძლიერებასთან დაკავშირებით; მოწმეთა დაცვა, როგორც ორგანიზებულ დანაშაულთა და ტერორიზმის წინააღმდეგ ბრძოლის აუცილებელი იარაღი ევროპაში; როგორ ავიცილოთ არასამთავრობოთა შეუსაბამო მოქმედებები ევროპაში.
პარლამენტის პრესსამსახურის ინფორმაციით, სესია მისასალმებელი სიტყვით ფინეთის პარლამენტის სპიკერმა მარია გუზეინინა-რიჩარდსონმა გახსნა.
სხდომაზე მოსხენებით გამოდიან ჰელსინკის უზენაესი სასამართლოს თავმჯდომარე პაულინე კოსკელო, ჰელსინკის ადამიანის უფლებათა ევროპული სასამართლოს ყოფილი განყოფილების პრეზიდენტი და მოსამართლე მატი პელლონპა, ლონდონის წამების პრევენციის ევროპული კომიტეტის პრეზიდენტი სილვია კასალი, ფინეთის წამების პრევენციის ევროპული კომიტეტის წევრი, საპარლამენტო ობუდსმენის ოფისის სამართლებრივი მრჩეველი ჯარი პირჟოლა, რუმინეთის ყოფილი იუსტიციის მინისტრი,სამოქალაქო თავისუფლების, იუსტიციის და შინაგან საქმეთა კომიტეტის წევრი მონიკა მაცევოი, ფინეთის იუსტიციის მინისტრი ანნა - მაჟა ჰენრიკსონი.
სესია ხვალ, 27 მაისს იხურება.
