საპარლამენტო უმრავლესობის ლიდერი დავით საგანელიძე უკრაინაში ოფიციალური ვიზიტის ფარგლებში ჩერნიგოვის ოლქის ადმინისტრაციის ხელმძღვანელს (გუბერნატორს)ვოლოდინერ ივაშკოსა და ჩერნიგოვის მერს ალექსანდრე სოკოლოვს შეხვდა.
შეხვედრისას მხარეებმა უკრაინაში წინასაარჩევნო გარემო შეაფასეს და ხაზი გაუსვეს ქვეყანაში თავისუფალი და სამართლიანი არჩევნების ჩატარების მნიშვნელობას.
ვოლოდინერ ივაშკოვმა თავის მხრივ აღნიშნა ის პროგრესი, რომელსაც საქართველომ თავისუფალი, ღია და დემოკრატიული არჩევნების ჩატარების მხრივ 27 ოქტომბრის საპრეზიდენტო არჩევნებით მიაღწია.
ჩერნიგოვის ოლქის მერმა დავით საგანელიძეს ქვეყნის საზღვრებთან რუსეთის ჯარის მობილიზაციაზე და რუსეთის მხრიდან შესაძლო საფრთხეებზე ინფორმაცია მიაწოდა.
თავის მხრივ დავით საგანელიძემ საქართველოში ოკუპირებულ ტერიტორიებზე არსებულ მდგომარეობაზე ისაუბრა და კიდევ ერთხელ მადლობა გადაუხა უკრაინულ მხარეს მრავალი წლის განმავლობაში საქართველოს ტერიტორიული მთლიანობის მხარდაჭერისათვის.
